"Sistema de spacaduras revessas"
S'incrostatzioni de colori scuru, dépiu a is pillus de pruini artziau de is màchinas e puru is arrestus carboniosus de is scàrrigus, est coberrendusí de unu pillu nou de calcite bianca. Su biancu est dépiu a su Carbonau de Càlciu praticamenti puru chi est depositendusí. In generi in is grutas turísticas contant sa paristória chi sa créscita de is incrostatzionis est de unu centimetru dónnia 100-1000 annus, custus númurus funt diversus a segunda de sa fantasia de sa ghia. Sa créscita de is incrostatzionis est in funtzioni de una série de paràmetrus variàbbilis meda e andant de sa portada de s'àcua de incrostadura a sa cuntzentratzioni de sa CO2 (anidridi carbónica), de sa pressioni partziali de custa a sa temperadura de su logu. A sa fini determinai sa velotzidadi est possíbbili scéti cun unu cuntrollu micrométricu. In custu casu podeus nai chi su pillu biancu chi seis biendi s'est formau de su 1998 a oi; cumenti a esémpiu podeus nai chi in una miniera de su brescianu est stétia agatada una scala de linna chi presentat pillus de calcite de prus de 40 centímetrus e custu protzessu est acontéssiu de is Annus '60 ( candu sa miniera fiat ativa) a oi.
