Seus acanta a s'intrada atuali de s'arramu "Stampu 'e Pireddu" e su chi bieus est un'intrada fóssili de cussu arramu. Cumenti si bit est de unu totu serrau de is depósitus ma is cosas chi si podint osservai funt is testimóngius de is medas fasis de sa gruta. De sighiu bieus chi "su stampu" dd'at sgavau is medas portadas de àcua in pressioni e custa est sa primu fasi. Sighit sa segunda fasi de portadas variàbbilis chi ant depositau, cun portadas bàscias, unu pillu de aremadura de grandu mannària puru, si podint osservai in artu inglobbaus in is incrostatzionis. Medas de custus "Clasti"funt in manera crara "alloctoni", est a nai de un'àteru logu, poita funt po su prus costituius de granitus. Tenei contu chi custas arrocas si agatant in localidadi Tiny e duncas funt stétias trasportadas po prus de 12 Km. A custa fasi ndi sighit un'àtera cun incrostatzionis potentis chi coberrint custus depósitus serrendi s'intrada bécia. Ma no est acabbada, a s'incrostatzioni sighit una fasi de annoamentu cun portadas mannas de àcua chi ndi smantellant s'incrostatzioni, lassendi giai suspéndiu e inglobbau in su substratu de is incrostatzionis sa prenidura de is inundatzionis. In pagus fueddus eus truessau unus cantu milionis de annus de evolutzioni geológica.
